Фестивали саводнокии молиявӣ дар шаҳраки Ғарм.
30.07.2024
Санаи 25 июл, дар Қасри фарҳанг фестивали саводнокии молиявӣ баргузор шуд. Чорабинӣ аз намоишгоҳ оғоз шуд, ки дар он бонкҳо, ташкилотҳои амонатии қарзии хурд ва ширкатҳои суғуртавӣ ба меҳмонон дар бораи фаъолияти худ маълумот додаанд. Дар намоишгоҳ хоҳишмандон метавонистанд дар викторина иштирок карда, соҳиби туҳфаи арзанда шаванд.
Баъдан дар Форум роҳбарияти ноҳия дар симои Шарифзода Ҳамдулло Ҳоҷӣ бо сухани ифтитоҳӣ баромад кард. Инчунин дар Форум намояндагони Бонки миллии Тоҷикистон ва дигар ташкилотҳои молиявӣ ба сокинони маҳаллӣ чӣ гуна ба ҳиллаи қаллобон гирифтор нашудан ва беҳтар сохтани некӯаҳволии молиявиашонро фаҳмониданд.
Дар анҷоми чорабинӣ бо иштироки сарояндаҳои маъруф Убайдуллои Каромат ва Нозим Олимов базм ташкил карда шуд.
Хотиррасон менамоем, ки ҳадаф аз баргузории фестивалҳои мазкур — баланд бардоштани сатҳи саводнокии молиявии аҳолӣ, васеъ намудани дастрасӣ ба хизматрасониҳои молиявӣ ва маълумот дар бораи қаллобон мебошанд.