Омӯзиши саводнокии молиявӣ барои насли навраси кишвари мо

Спитамен Бонк таҳияи барномаҳои таълимиро оид ба саводнокии молиявӣ барои мактаббачагон ва донишҷӯён дар саросари ҷумҳурӣ фаъолона идома медиҳад. Тренингҳои охир ба иштирокчиён дар гирифтани маълумоти зарурӣ доир ба ҷаҳони молия, тарзи муҳофизати худ аз қаллобон, дар бораи пардохтҳои ғайринақдӣ ва истифодаи кортҳои бонкӣ, кӯмак карданд.

Дар тренинг ба масъалаҳои таъминоти молиявӣ ва ҳимоя аз қаллобӣ таваҷҷуҳи хоса зоҳир карда шуд. Иштирокчиён инчунин оид ба банақшагирии буҷаи шахсӣ ва оилавӣ маслиҳатҳои муфид гирифтанд ва дар бораи манфиатҳои воситаҳои гуногуни молиявӣ маълумот пайдо карданд.

Кормандони Спитамен Бонк изҳори итминон карданд, ки чунин чорабиниҳо барои ташаккули фарҳанги пасандозу сармоягузорӣ дар байни ҷавонон ва тарзи дурусти истифодаи маблағҳояшон мусоидат мекунанд.

Бонк инчунин омодагии худро барои ҳамкорӣ бо муассисаҳои таълимӣ дар доираи барномаҳои таълимӣ оид ба саводнокии молиявӣ изҳор дошт.