Спитамен Бонк дар ярмаркаи ҷойҳои корӣ ДТТ
29.05.2023
Спитамен Бонк дар ярмаркаи ҷойҳои корӣ, ки рӯзи 26 май дар Донишгоҳи технологии Тоҷикистон баргузор гардид, ширкат варзид.
ДТТ бо мақсади бо ҷойи кор таъмин намудани хатмкунандагон ярмаркаи мазкурро ташкил намуд. Чорабинӣ ба донишҷӯён имкон дод, ки бо намояндагони ширкатҳои гуногун мулоқот кунанд, имкониятҳои касбиро омӯзанд ва бо мутахассисон дар робита бошанд.
Намояндагони Спитамен Бонк аз фурсат истифода бурда вазифаҳои холии худро муаррифӣ намуданд ва донишҷӯёнеро, ки хоҳиши кор карданро дар соҳаи бонкӣ доранд, ба кор даъват карданд.
«Иштирок дар ярмаркаи ҷойҳои корӣ ба Спитамен Бонк имкони хуб дод, то бо донишҷӯён муошират карда, онҳоро бо имкониятҳои гуногун ва ҷолиби касб дар бахши бонкӣ шинос намояд. Мо аз сатҳи ҳавасмандӣ ва шавқу рағбати донишҷӯён дар ҳайрат мондем ва умедворем, ки талошҳои худро барои ҷалби беҳтарин истеъдодҳо аз ДТТ идома диҳем», - гуфт намояндаи Спитамен Бонк Марям Раҳматуллоева.
Спитамен Бонк аз он хушнуд аст, ки ба номзадҳо кори ҷолибу умедбахш, инчунин маҷмӯи пурраи хизматрасониҳоро барои рушди касбӣ пешниҳод намояд.